Mahal kong Tatay - Happy Father's Day

Happy Father's Day


Mahal kong Tatay
Isinulat ni. Lawrence R. Gonzales
June 19, 2011

 Sa Pagkain lagi kang kasabay
Ako ang iyong panaganay
Maraming salamat sa iyong gabay
Pangaral mo ang naging patnubay.

Mga kuwento mong nakakatwa
Kapag narinig ko, ako'y sumasaya
Sana'y kasama pa kita
Ang minamahal kong ama.

Ikaw ang aking tagapagtanggol
Mula pa noong ako'y sanggol
May gumalang aong ulol
Bigla kang dumating at iyong pinukol
Sa sobrang takot ako ay nabulol.

Ako ay nasaktan at napilayan
Hindi makalakad sa kabukiran
Ako'y pinasan sa iyong likuran
At dinala sa agad sa pagamutan.

Nang makita ka sa hospital
Ang puso ko'y tila napigtal
Unti-unti akong nauutal
At parang ako'y sinasakal.

Ang mahal kong tatay
Ang tula ko sa'yo inaalay
Sana'y kapiling ka at gabay
Sa puso ko ikaw ay buhay.

1 Comments

Thank you for taking the time to read my tagalog poems and funny moments

  1. Anonymous6:02 PM

    nakakatouch ...ang ganda ng iyong tula ...

    ReplyDelete
Previous Post Next Post