Feeling Pogi

Funny moments: May 7, 2019

Siyempre feeling pogi kapag may nagtanong sa'yo nang ganito

Millennium days, habang gumagawa ng computer sa shop si customer girl nagtanong.

Customer: kuya may asawa ka na ba?

Ako: smile lang

Customer: eh girlfriend?

Ako: smile lang ulit

Customer: yung bata kanina anak mo ba yun?

Ako: smile pa more

Misis: may nagtanong kung may asawa kana ano sinagot mo?

Ako: tumawa lang ako, nakakatuwa eh

Misis: bakit dimo sinagot yung tanong may balak ka hano?

Ako: smile

Misis: Nicole, kapag bumalik yung babae at kinausap yung daddy mo sumigaw ka ng Daddy timpla mo kong gatas

Ako: hahahaha

At ganoon nga ang ginawa ng anak ko nung bumalik si customer.

Naghintay Ako

 

Naghintay Ako

Isinulat ni Lawrence R. Gonzales

November 12-24, 2021

1.28 AM, Wednesday

Bakit hindi ka dumating

Makita ka lang aking hiling

Naghintay ako hanggang dilim

Hindi ka pala darating.

Labis akong nag-alala

Nagpabalik-balik sa kalsada

Hindi alam san pupunta

Dahil ikaw ina-alala.

Dahil sa iyong barkada

Ako na itsapwera

Ang hinihintay kong kasama

Hanggang panaginip lang pala.

Gusto kong sabihin I MISS YOU

Huwag mokong bigyan ng TISSUE

Kapag sinabi kong I LOVE YOU

Walang problema, walang ISSUE.

Ako sayo'y nagtapat

Ang pag-ibig ko'y inilahad

Pero hindi umangat

Hindi moko tinanggap.

Sa pagsubok dumaan

Dala ko'y kahihiyan

Kulang sa kakayahan

Tinanggap ko'y kapintasan.

Sa harap ng iyong kaibigan

Ako'y naging mangmang

Iba ang kanilang yabang

Hindi jko kayang sabayan.

Sa aking palagay

Hindi nga tayo bagay

Sa talino mong taglay

Wala akong maibibigay.

Love at First Sight

Love at First Sight

Isinulat ni Lawrence R. Gonzales

October 30, 2021

Narito ang binatang sa iyo'y humahanga

Hinihintay ang pagdungaw mo sa bintana

Para sa akin tulad mo ay tala

Liwanag sa akin na tumatama.

Ikaw ang pinakamagandang nakita ko

Tumibok ng malakas ang puso ko

Kung papana lang si Kupido

Ang unang tatamaan ay ako.

Parang love at first sight

Hindi makatulog sa night

Kahit gumamit nang dim light

Yung paningin ko bright.

Nais ko sanang magtanong

Yung puso ko kasi nakakahon

Puede kaya pagdating ng panahon

Ikaw at ako sa habang panahon.

Sa titig mong malagkit

Magandang mata at singkit

Parang puso'y sinumpit

Walang salitang masambit.

Kahit buhay ay maikli

kung minsan pag-ibig ay pili

Sa ganda ng iyong ngiti

Mahagkan sana ang labi.

Ang pagmasdan ka'y diko mapigil

Parang oras tumitigil

Walang ibang pinapansin

Kundi ikaw lang sa paningin.

Parang tumigil ang mundo

Napalapit ako sa'yo

At nagsabi ng ganito

Napa-ibig ako sa'yo.

Akala Nagbago

Akala Nagbago

Isinulat ni Lawrence R. Gonzales

Saturday, April 23, 2022

Bagong kasal lang tayo

Akala mo ako'y nagbago

Ikaw agad ay nagreklamo

Diko lang nasunod ang gusto.

Nagsigawan tayo, nainis ako

Binagsak ko ang pintuang ito

At naglaglagan mga nakasabit dito

Sa galit ko, sabay alis ako.

Sa aking pag-uwi

Ako'y pumikit sandali

Nakatulog ng madali

Paggising ko, sa inyo gusto mong umuwi.

Kaya ka pala tahimik

Binabalot mga damit

Hindi ka naman umiimik

Habang ako'y nakapikit.

Pagtingin ko sa kwarto

Wala mga damit mo dito

Lumabas agad ako

Inabutan ka sa kanto.

Tumakbo ako ng mabilis

Para hindi ka makaalis

Huwag kang aalis

Mababaliw ako ng labis.

Kapag ika'y hinayaan

Puso ko'y masasaktan

Kaya't Ika'y pipigilan

Sa balak mong paglisan.

Akin na ang gamit mo

Huwag kana umiyak mahal ko

Hindi naman ako nagbago

Nainis lang ako.

Yayakapin ka ng mahigpit

Hahalikan ng paulit-ulit

Nais mo bang marinig

Pag-ibig ko sa'yo hanggang langit.

Ayokong ika'y saktan

Hindi ko lang naiwasan

Na ikaw ay sigawan

Kasi naman ayaw mo kong pakinggan.

Puede mo bang mapatawad

Akin na iyong palad

Mayroon akong ilalahad

Ako'y naging mapalad.

Mag-aral ng Maikling Tula

Maikling Tula 

ni Lawrence R. Gonzales

Ang tula ay nakakamangha

Pinagsama-samang salita

Pagbigkas ko'y nakakatuwa

Dahil sa ganda ng tugma

Salitang babanggitin

Nagmula sa damdamin

Kaibig-ibig bigkasin

Kaaya-ayang usapin

Halina at basahin

Ang laman ng damdamin

Humarap sa salamin

at aking sasabihin.