Kapag Puso'y Nasaktan

Kapag Puso'y Nasaktan

Isinulat ni. Lawrence R. Gonzales

Created: August 9, 2020

Last modified: 7:08pm September 5, 2020

Kapag puso'y nasaktan

Masakit talaga sa pakiramdam

Pero ang kagandahan

Mayroon kang natutunan. 

Mayroon parin sa'yong magmamahal

Maghintay ka lang baka nariyan

Baka lihim kang pinagmamasdan

Pagkat tunay yung pagmamahal.

Ang puso mo ngayon 

Ay tulad ng kahon

Wala siyang laman ngayon

Pero mapupuno sa tamang panahon.

Darating din yung pagkakataon

Malay mo baka ngayon

Si right person na tanong

Kaibigan mo pala noon.

Hindi mo na kailangang mag-alala

Dahil matagal mo na siyang kilala

Na miss ka daw nya ng sobra

Yung ngiti hanggang tenga.

Ang Tula

Ang Tula

Isinulat ni Lawrence R. Gonzales

Created: August 2, 2020

Last Modified:7:28pm September 5, 2020

Ang tula ay nakakamangha

Mga pinagsama-samang salita

Kapag binigkas ay nakakatuwa

Sa ganda ng tono at mga salita.

Kadalasan tungkol sa pag-ibig

Yung pusong sinaktan at nanahimik

Umasa sa pangakong babalik

Yun pala halik ni hudas ang kapalit.

Kung minsan tungkol sa pangarap

Mga pinagdaanang masaklap

Trabahong di mahanap

Nakatingin nalang sa ulap.

Mayro'n ding tungkol sa kahirapan

Laging umiiyak ang karamihan

Mahirap na laging pinagdadamutan

Wala nang tirahan, masakit pa kalooban.

Yung nangyayari sa paligid

Akala mo ay tahimik

Magulo pala at mabagsik

Politikong hindi mapatalsik.

Puede ring libangan

Para sa iyong katahimikan

Makabuo ng salita para sa kasiyahan

Babasahin mo ito ng may kagandahan.

Malabong Mata

Malabong Mata
Isinulat ni Lawrence R. Gonzales
Created: July 22, 2020 - Last Modified: 8:26pm 
September 5, 2020

Ako ba'y dinadaya ng aking mata

O nabubulagan lamang sa iyong ganda

Alam kong malabo aking mata

Pero ano itong aking nakikita

Naka-aninag ng maganda.

Kailangan kong isuot yung salamin

Upang matiyak nang paningin

Pero nakalimutan kong dalhin

Isang sulyap na lang isang tingin.

Ang sabi nila maganda ka raw

Kung tumingin nakakatunaw

Gumaganda lalo ang araw

Kapag ikaw lang ang tinatanaw.

Kamukha mo yung asawa ko

Malabo lang siguro paningin ko

Ikaw ba iyan? Mahal ko

Nagbibiro lang ako.

Love Letter

Love Letter

Ni Lawrence R. Gonzales

July 25, 2020

Kay tagal naman dumating

Sulat mo lang aking hiling

Mula umaga hanggang dilim

Inaabangan kong ibigay sa akin.

Ano kaya itong pagmamahal

Parang pamasahe kay mahal

Kung ako kaya ay magtanghal

Pansinin kaya ako ng minamahal.

Nasa bintana nakatingin

Ang sulat mo kaya ay darating

Yung kartero dumaan sa amin

Pero walang sulat para sa akin.

Ang sulat kong nais iparating

Naglalaman ng aking damdamin

Nasasabik akong sulat mo’y basahin

Nais kong malaman ang tugon mo sa akin.

Napakalayo ng ating pagitan

Ganito ba talaga ang sukatan

Kailangan pa ng barko para puntahan

At eroplano para ika’y masilayan.

Yung larawan mo na hawak ko

Nawala na sa paningin ko

Sa tagal ng paghihintay ko

Ikaw pala ang magbabago.

Kalayaan sa Sarili

Assignment: Tungkol sa kalayaan sa sarili

Wala pang title isinulat ni Lawrence R. Gonzales. September 22, 2019

Kabataan nga ako, ngunit alipin

Hindi matapos itong suliranin

Kung ibubuhos parang buhangin

Kung kaya't akoy naging iyakin.

Kay bigat nitong damdamin

Walang tumutulong sa aking hinaing.

Nahihirapan sa mga gawain

Ano kaya ang dapat kong gawin.

Sa Diyos akoy dumalangin

Upang kalayaan ay aking kamtin

Kabigatan sa puso ay aalisin

Oh! Panginoon kasiyahan koy lubusin.

Aking Panginoon ikay kukulitin

Upang akoy iyong pasayahin

buhay ko'y kaya mong baguhin

magagawa mo akong patatagin.

Aming assignment mahirap gawin

Gayunman ay kinakaya padin

Bigyan kasiglahan sa bawat aralin

Upang pangarap magawa kong abutin.

Paghanga

Paghanga

Isinulat ni Lawrence R. Gonzales

May 23, 2019 - Nov 11, 2021

Ang iyong mga matang marikit,

Kapag sa akin ay tumitig

Mata ko'y ayaw ng pumikit

Sa'yo lamang nakatitig.

Kung minsan nais kong umawit

Kahit di maganda tinig

Bakit ba ganito ang pag-ibig

Labis akong naliligalig.

Ang puso ko'y gustong mangusap,

Ngunit sa bibig ko'y walang lumalabas na pangungusap,

Gusto ko sa iyo'y makipag-usap,

Upang magandang sandali ay malasap.

Kay ganda ng iyong ngiti,

Sana ito'y manatili,

Kung ang puso ko ay magkukubli,

Sa iyong likod ako ay tatabi.

Class Reunion

 

Pagsilang ng Mesiyas

Pagsilang ng Mesiyas

ni. Lawrence R. Gonzales

October 18, 2012

Isang anghel ang biglang lumabas

Mensaherong nagmula sa itaas

Upang ihayag, ang pagdating ng Mesiyas

Ang nag-iisang tagapagligtas.

Isang hari ang ipinanganak

Ang sabi ng anghel tayo'y magalak

Mapalad ang taong mahihirap

Narito na ang Diyos na sa atin ay lilingap..

Isang bituin ang tila nagningas

Nagsilbing ilaw ng mga pantas

Upang mahanap ang tamang landas

Sa kinaroroonan ng mesiyas.

Si haring herodes ay marahas

Ang tulad niya ay parang ahas

Binalak linlangin ang mga pantas

Kanyang kabaitan ay isang palabas.

Inutos ng hari mga bata ay patayin

Kahit mga sanggol ay hindi patatawarin

Akala ng hari trono ay aagawin

Kung kaya't si Hesus ay nais niyang paslangin..

Sa tulong ng anghel sila'y nakatakas

At sa panganib sila'y nakaligtas

Sa Bethlehem lihim silang nakalabas

Lumaki ang bata na matalino at malakas.

Gupit Dora

Gupit Dora

ni. Lawrence R. Gonzales

October 24, 2012

Nagpagupit ng buhok tulad ni Dora

Bagay naman at maganda

Kahit ano pang sabihin nila

Huwag mong hayaan na guluhin ka nila.

May tatalo paba sa tamis ng ngiti

Makintab na buhok na pinaigsi

Magandang kutis na sadyang maputi

Parang bituin sa langit na palamuti.

Nakapila ang iyong manliligaw

Kayraming gustong dumalaw

Matiyaga parang kalabaw

Hindi sumusuko kahit mainit ang araw.

Labis yata silang nabighani

Dahil sa iyo hindi na makauwi

Pagkat ikaw iniisip lagi

Nakalimutan yata daan pauwi.

Hindi makalapit, kahit gustong malambing

Baka mapahiya at sa iba bumaling

Isang sulyap lang hinihiling

Napakalambing ng iyong dating.

Ang Puso Mo

Ang Puso mo

ni. Lawrence R. Gonzales

October 24, 2012

Wala akong nakitang kahinaan mo

Kundi kalakasan na taglay mo

Kahit malumanay ang salita mo

Mananatiling malakas ang puso mo

Ang karunungan mong taglay

Wala itong kapantay

Diyos ang magpapatunay

Minamahal ka niyang tunay

Upang gumaan ang iyong kalooban

Luha ay huwag mong pigilan

Hayaan mong lupa ay bagsakan

Sabay tawag sa kalangitan

Sinabi ng Diyos, "Hindi kita iiwan" (Hebreo 3:5)

Kasama mong lagi, saan ka man pumaroon

Para sa iyong kaligtasan at kapanatagan

Kahit mga anghel uutusan ngayon (Awit 91)

Kahit ika'y mahirapan ngayon

At masaktan sa pangit na sitwasyon

Huwag sanang kalimutan, laging tandaan

Diyos parin ang matibay na tanggulan (Kawikaan 18:10)