Boksingero

Boksingero

Isinulat ni: Lawrence R. Gonzales

Date Created: 12:30pm - Last Modified: 1:12pm

September 6, 2020

Nagdarasal bago lumaban

Sa Diyos ang sandigan

Nagbibigay kalakasan

kapag malakas ang kalaban.

Bago simulan ang bakbakan

Sinusubok ang kakayahan

Para suntok ay maiwasan

Kanila munang pinag-aaralan.

Isang suntok pinakawalan

Mahirap itong pigilan

 kailangan agad iwasan

Para hindi tamaan.

May magaspang ang asal

Feeling katawan ay bakal

Malakas pang mang-asar

Kaya pahiya nang tamaan.

Bawat suntok na bitawan

Parang wala nang pakiramdam

Sa dami ng tama sa katawan

Nakatayo parin at lumalaban.

Nakita mo naman sa katawan

Puro muscle ang laman

Kung hanap mo sakit ng katawan

Parang sinuntok ka ni superman.

Sa gitna ng hiyawan

Matalim parin ang tinginan

Isa lang pumapasok sa isipan

Kundi patulugin ang kalaban.

Driver ng Jeep

Driver ng Jeep

Isinulat ni: Lawrence R. Gonzales

Created: October 11, 2011 - Revised: September 12, 2020

May driver na mabait

Yung sukli binabalik

Meron namang kainis

Yung parang walang naririnig.

Ang driver na sweet lover

Sa pag-ibig parang flying saucer

Matulis pa sa screw driver

Kung mambola tagos hanggang liver.

Kapag may seksing sumakay

Parang gustong umakbay

Pag holdaper ang sakay

Tatalon kahit sa tulay.

Ang driver kapag tinoyo

kahit malapit kana sa kanto

ilalagpas pa ng preno

Ikaw pa masama sa kuwento.

 

Hari daw ng kalsada

Mas sikat pa sa kalesa

Araw-araw ay bida

Tulad ng sikat na artista.

Kapag mainit ang ulo

Nagiging barumbado

Inaaway pati pasahero

Nauuwi sa basag-ulo.

Kung magmaneho bara-bara

Ang tamaan pasensya

Wala naman pambayad sa disgrasya

Walang ingat sa kalsada.

Ang mahal ng gasolina

Konti lang ang kita

Paano kaya magkakasya

Para sa kanyang pamilya.

 

Gumigising ng maaga

Para kumita ng pera

Maghapon papasada

May pulis na eeksena.

Nasaan ang lisensya

Wala pala itong dala

Tigil ang pasada

Panibagong problema.

Puso at Isip

Puso at Isip

Isinulat ni Lawrence R. Gonzales

Created: June 11, 2011

Huminga ng malalim at pumikit

Damhin ang hanging nagmumukla sa langit

Katahimikan ng puso at isip ay mararamdaman

Kaloob ng langit ay kapayapaan.

Isang kalungkutan, libong kaligayan

Huwag magpatalo at maging matapang

Ang hamon ng buhay ay sadyang makulay

Ika'y magpasalamat sa Diyos na buhay.

Pagkat binigyan ka ng buhay

Dito sa mundo ika'y nagkamalay

Kailangan mong manatiling buhay

Para sa mga mahal mo sa buhay.

Harapin ang pagsubok ng buong tapang

Huwag na huwag kang mag-alinlangan

Ang Diyos ay lubos na nagmamahal

Siya lang ang iyong maaasahan.

Ang puso ay sagisag ng pagmamahal

Ang isip ay katalinuhan

Ang dibdib ay katapangan

Kaya lagi mo sanang tandaan.

Si Hesus ay sandigan

Lagi s'yang maaasahan

Magtiwala sa kanyang kapangyarihan

Nangakong hindi ka pababayaan.

Dalangin

Dalangin

Isinulat ni. Lawrence R. Gonzales

Created: June 11, 2011 - Revised: September 13, 2020

Ang kabutihan ay masusuklian

Sa paanomg paraan ay hindi alam

Lagi lang manalig at magdasal

Mararamdaman ang kanyang pagmamahal.

Amang nasa langit, kahit ako ay makulit

Ang pag-big mo ay hindi maliit

Ako ay susunod at luluhod

Hanggang ang tuhod ko'y maging tuod.

Oh! Diyos na aking hari, Ama ng aking lahi

Gabayan mo ang aking lipi, ang buhay ko ikaw ang may-ari

Aking pagkakamali, patawad ang minimithi

Sa bawat sandali, ikaw ang papawi.

Diyablo na walang alam na laging nakaabang

Kami'y tigilan, Diyos namin ay makapangyarihan

Panalangin kong taglay, hindi ito sasablay

Pagkat ang Panginoong Hesus ang siyang aking gabay.

Kahulugan ng Pasko

Kahulugan ng Pasko

Isinulat ni. Lawrence R. Gonzales

Created: December 23, 2010 - Revised: September 13, 2020

Ang pasko ay si Hesus

Isinilang anak ng Diyos

At siya ang tutubos

Upang kasalanan ay matapos.

Tatlong pantas ay nag-alay

Buhat sa malayo sila'y naglakbay

Upang makita ang Diyos na buhay

Kay Lord Jesus sila ay nagpugay.

Ang pasko ay pagmamahalan

Tinubos ang ating kasalanan

Dapat lang na siya'y pasalamatan

Ang ginawa niya'y huwag kalimutan.

Huwag nang sisihin ang may kasalanan

Magpatawad yan ang kailangan

kung ika'y nasaktan, iyo nang kalimutan

At simulan ang buhay na may katahimikan.

Ang pasko ay pagbibigayan

Buhay ni Lord Jesus sa atin inilaan

Kapalit ay ating kaligtasan

Inako niya ang ating kasalanan.

Ang pasko ay pagkakaisa

Salamat Lord Jesus, Ika'y nakilala

Dahil sa iyo marami akong kasama

Nagpupuri sa iyo at sumasamba.

Ang pasko ay pag-ibig

Si Lord Jesus laging nasa isip

Para sa kanya ang aking tinig

Buong puso na umaawit.

Ika'y dapat makilala ng tao

Pagkat ikaw ang sagot sa tawag ng saklolo

Pangako ng Diyos ay tapat at totoo

Emmanuel, ang Diyos ay kasama natin rito.

Pulubi

Pulubi

Isinulat ni Lawrence R. Gonzales

Mach 11, 2011 - Revised Nov. 6, 2021

Isang pulubi sa kalsada

Naghihintay abutan ng barya

Wala daw s'yang pamilya

Na tutulong sa kanya.

Gusto mo s'yang tulungan

Pero hindi ka mayaman

sa paanong paraan?

Bigyan mo ng tanghalian.

Ang kanyang tulugan

Gilid ng simbahan

Ang kanyang tahanan

Malawak nitong bakuran.

Butas-butas na damit

Parang basahan pinag kabit-kabit

Namamalimos sa gitna ng init

Kanyang balat parang napupunit.

Iyong pagmasdan kanyang katandaan

Dapat nating kaawaan

Araw-araw pinagtatabuyan

Nakakatakot ding maranasan.

Ms. Landicho - Guro

Ms. Landicho - Guro

Isinulat ni Lawrence R. Gonzales

Created: March 11, 2011 - Revised: September 15, 2020

Ako ay hindi matalino

Pero hindi rin bobo

May konting talento

Na maipagmamalaki ko.

Tumatambay sa kanto

Naglalaro ng singko

Ayoko ng basag-ulo

Umiiwas sa gulo.

Doon sa Gallardo

May estudyanteng gago

Pati teacher niloloko

kaya galit si Ms. Landicho.

Siya'y matapang na guro

Hindi basta sumusuko

Huwag maingay, ingat sa palo

Pag ika'y nakita kurot sa nguso.

Kapag siya'y nagalit

lahat ay tahimik

Kung wala kang assignment

Tenga mo'y mapupunit.

Sa nag-aaway pumapagitan

Dinadaan nalang sa paligsahan

Nagtuturo ng kabutihan

Lahat ay nagiging kaibigan.

Estudyante sumipag -mag-aral

Pinagmamalaki ngayon ng magulang

Lagi siyang pinasasalamatan

At hindi rin nakakalimutan.

Torpe

Torpe

Isinulat ni Lawrence R. Gonzales

Created: March 11, 2011 - Revised: September 15, 2020

Puso at isip nag-aaway

Hindi ako mapalagay

Nakita kang may kaakbay

Parang ako'y mamamatay.

Kapag ika'y nasa tabi

Wala naman akong masabi

Para akong pipi

Naghahanap ng kakampi.

Lagi kitang pinagmamasdan

Ikaw ang laman ng aking dasal

Pangarap kong inaasam

Sa akin ka makasal.

Ikaw sa aking isip

Narito sa panaginip

Paulit-ulit na sinasambit

Pag-ibig mo sana'y masungkit.

Mukhang pag-ibig na ito

Sana nga ay totoo

Kung puede lang tayo

Lahat gagawin para sa'yo.

 Kung ako'y maghihintay

Gusto ko munang maglakbay

Pagod na pusong nagbabantay

Ikaw lamang ang hinihintay.

My J.D.

Victor

Dahil sa Kasalanan

Dahil sa Kasalanan

Isinulat ni Lawrence R. Gonzales

Created: October 27, 2011 - Revised: September 15, 2020

Dahil sa aking kasalanan

Lagi kitang iniiwasan

Madalas kitang talikuran

Muntik na kitang kalimutan.

Dahil nais ko ay kaligtasan

Patawad sa aking alinlangan

Kamay ko ay iyong hawakan

Huwag mo akong bitawan.

Ilayo mo ako sa kapahamakan

Pati na rin sa kaguluhan

May dala itong kabigatan

Ang damdamin ay pahihirapan.

Dumanas man ng kabiguan

At labis na kalungkutan

Nalubog man sa kahirapan

Ikaw parin ay pasasalamatan.

Sa gitna ng kadiliman

Lumulutang isipan, hindi ko malaman

Ang landas na patutunguhan

Ikaw Hesus ang aking kailangan

Ako'y iyong samahan

Saan man ako magdaan

Lagi mo akong gabayan

At iyong ingatan.

Ang landas ng kabutihan

Na ikaw ang may alam

Baguhin ako at turuan

Patungo sa iyong kaharian.

Paalam Tatay

Paalam Tatay

Isinulat ni. Lawrence R. Gonzales

October 15, 2011 

Ang mahal kong tatay

Isang linggo ika'y nakaratay

Aking dalangin huwag sanang humimlay

Laging nagdarasal na ika'y magkamalay.

Ang mga tao sa bahay

Pagbabalik mo ay hinihintay

Mga nagmamahal pati kapit-bahay

Pinagdarasal nila ang iyong buhay.

Ang iyong anak ay naglalambing

Pakiusap huwag ka sanang mahimbing

Manatili ka sana, Ang tangi kong hiling

Nais kong makita ka na ika'y gising.

Subalit hindi ko inaasahan

Sa piling ko ikaw ay lilisan

Tunay ngang buhay ng tao, may katapusan

Hinding-hindi kita malilimutan.

Habang ika'y narito sa himlayan

Asahan mong lagi, ika'y babantayan

Pagkat pagmamahal ko'y walang hangganan

Tulad ng kalawakan, walang katapusan.

Sa iyong paglisan, mayroong kalungkutan

Ngunit kapalit nito'y iyong kapayapaan

Ngayo'y natagpuan tunay na katahimikan

Doon sa langit na may kalayaan.

Ika'y ihahatid sa huling hantungan

Sa huling pagkakataon, ika'y masilayan

Kaya't ngayong gabi, ika'y sasamahan

Sama-sama kami, hindi ka tutulugan.

Mahal kong Tatay - Happy Father's Day

Happy Father's Day

Mahal kong Tatay

Isinulat ni. Lawrence R. Gonzales

June 19, 2011

 Sa Pagkain lagi kang kasabay

Ako ang iyong panaganay

Maraming salamat sa iyong gabay

Pangaral mo ang naging patnubay.

Mga kuwento mong nakakatwa

Kapag narinig ko, ako'y sumasaya

Sana'y kasama pa kita

Ang minamahal kong ama.

Ikaw ang aking tagapagtanggol

Mula pa noong ako'y sanggol

May gumalang aong ulol

Bigla kang dumating at iyong pinukol

Sa sobrang takot ako ay nabulol.

Ako ay nasaktan at napilayan

Hindi makalakad sa kabukiran

Ako'y pinasan sa iyong likuran

At dinala sa agad sa pagamutan.

Nang makita ka sa hospital

Ang puso ko'y tila napigtal

Unti-unti akong nauutal

At parang ako'y sinasakal.

Ang mahal kong tatay

Ang tula ko sa'yo inaalay

Sana'y kapiling ka at gabay

Sa puso ko ikaw ay buhay.

Bayani

BAYANI

Isinulat ni Lawrence R. Gonzales

Created: June 16, 2011 - Revised: September 15, 2020

 

Maraming taon ang lumipas

Silang mga bayani ng pilipinas

Ala-alang hindi kumukupas

Tulad ng magandang palabas.

Si Lapu-lapu unang bayani

May gustong sumakop at mang-api

Ang naging laban ay matindi

Kalaban nabigo at nagapi

Jose Rizal ang pambansang bayani

Talino ginamit sa mabuti

Inilahad sa libro ang mga pang-aapi

Sa sariling bayan gianwang taga silbi.

Andres Bonifacio Ama ng katipunan

Lumaban para sa kalayaan

Hindi natakot sa baril ng dayuhan

Hindi nagtaksil sa hanggang kamatayan.

Apolinario Mabini ang dakilang lumpo

May kapasanan pero matalino

Sa himagsikan ginawang tagapayo

Para turuan ang katipunero.

Antonio Luna kahit laging mainit ang ulo

Sa bayan ang kanyang serbisyo

Ayaw n'ya ng matakaw sa pwesto

Siya ay tapat na tao.

Pag-ibig sa bayan hindi pinag-kait

Gustong talunin dayuhang malupit

Tayo'y inaapi at nilalait

At niloloko ng paulit-ulit.

 

Parang mundo ay maliit

Kapag kalayaan di makamit

Kung minsan buhay ang kapalit

Sa kamay ng taong malulupit.