Pages

Eternal Love of Dream

Monday, January 10, 2022

Eternal Love of  Dream
Isinulat ni Lawrence R. Gonzales
Tagalog Poem #46 - Revised Version


Dahil sa titig mo
Ako’y nabihag mo
Parang minagic mo 
Natulala sa harap mo.

Kapag ika’y tumitingin

Parang hangin na dumarating
May saya sa damdamin
Parang nililipad ng hangin.

Kapag wala ka sa'king tabi
Ako’y hindi mapakali
Para kang nagkukubli
Hindi ka naman nagsasabi.

At kung hindi ka magbalik

Dulot nito’y sakit
Sa pakiramdam mapait
Nabubuhay sa pananabik.

Kung minsa'y nagdaramdam

Kapag puso'y nasasaktan
Lalo na't hindi alam
Kung ako ba'y minamahal.

Lagi kang pinagmamasadan
Saan ma'y sinusundan
Nakabantay nang di alam
Lihim kang minamahal.

Kahit hindi ikaw ang kapalaran
Gusto ko paring subukan
Ipilit ang pagmamahal
Baka sakaling pagbigyan.

Kahit mahirapan man ako
Basta magkasama tayo
Sa pag-ibig na ito, hindi malilito
Kung ikaw at ako, sa aking mundo.





 

Mga Uri ng Tula?

Tuesday, November 30, 2021

Sagot: mula sa TAKDANG ARALIN educational blog...
By Lhenn

Ano ang Tula? 

Ang Tula ay isang anyo ng panitikan na nagpapahayag ng damdamin ng isang tao. Ito ay binubuo ng mga saknong at ang mga saknong ay binubuo ng mga taludtud.
Ito ay may sukat at tugma o malaya man ay nararapat magtaglay ng magandang diwa at sining ng kariktan.
Sinasabing may magandang diwa ang isang tula kung may makukuhang magandang halimbawa ditto.  May sining ng kariktan naman kung ang mga pananalitang ginamit ay piling-pili at naaayon sa mabuting panlasa.




Mga Uri ng Tula  
1. Tulang Liriko o Tulang Damdamin (lyric poetry) – Ito ay nagtataglay ng mga karanasan, kaisipan, guniguni, pangarap at iba’t-ibang damdaming maaaring madama ng may-akda o ng ibang tao.  Ito ay maikli at payak. 
Uri ng Tulang Liriko
    1. Awit – Ang karaniwang pinapaksa nito ay may kinalaman sa pag-ibig, kabiguan, kalungkutan, pag-asa, pangamba, poot at kaligayahan. 
    2. Soneto – Nagtataglay ito ng mga aral ng buhay, may labing apat na taludtod; ang nilalaman ay tungkol sa damdamin at kaisipan at may malinaw na kabatiran sa likas na pagkatao.
    3. Oda – Ito ay pumupuri sa sa mga pambihirang nagawa ng isang tao o grupo ng mga tao, masigla ang nilalaman at walang katiyakan ang bilang ng mga pantig sa bawat taludtod.
    4. Elehiya – Ito ay tulang may kinalaman sa guniguni tungkol sa kamatayan.
    5. Dalit – Ito ay tulang nagpaparangal sa Dakilang Lumikha at may kahalong pilosopiya sa buhay.

2.  Tulang Pasalaysay (narrative poetry) – Ito ay naglalahad ng makukulay at mahahalagang tagpo sa buhay tulad ng pag-ibig, pagkabigo at tagumpay.  Naglalahad din ito ng katapangan at kagitingan ng mga bayani sa pakikidigma. 

Uri ng Tulang Pasalaysay
a.       Epiko – Ito ay nagsasalaysay ng kagitingan ng isang tao, ang kanyang pakikitunggali sa mga kaaway at mga tagumpay niya sa digmaan.  Hindi kapanipaniwala ang ibang mga pangyayari at maituturing na kababalaghan.
b.      Awit at kurido – Ito ay tungkol sa mga paksang may kinalaman sa pakikipagsapalaran ng mga kilalang tao sa mga kaharian tulad ng hari, reyna, prinsipe, prinsesa, duke, konde at iba pang dugong mahal na ang layunin ay palaganapin ang Kristiyanismo.  Ang mga awit at kurido ay dala rito ng mga Kastila.
c.       Karaniwang Tulang Pasalaysay – Ang mga paksa nito ay tungkol sa mga pangyayari sa araw-araw na buhay.


3.  Tulang Patnigan (joustic poetry) – Kabilang sa uring ito ang karagatan, duplo at balagtasan

                   

 4.  Tulang Pantanghalan o Padula – Katulad din ito ng karaniwang dula, ang kaibahan lang, ito ay binibigkas ng mga tauhan ang kanilang mga diyalogo sa paraang patula.  Maaaring isama sa uring ito ang mga tulang binibigkas sa sarswela at komedya. 

                  
Mga Sangkap ng Tula

1. Sukat. Ang sukat ay bilang ng pantig sa bawat taludtod sa isang saknong. Ang bawat taludtod ay maaaring magkaroon ng walo, labindalawa, labing-anim, o labingwalong pantig.
2. Tugma. Ang tugma ay pagkakatulad ng tunog ng mga huling pantig sa bawat taludtod. May dalawang uri ng tugma:
a. Karaniwang tugma (ordinary rhyme). Kung ang bigkas na malumay at mabilis o malumi at maragsa ay magkasama sa huling pantig ng mga taludtod sa isang saknong, ito ay karaniwang tugma.
b. Ganap na tugma (exact rhyme). Sa ganap na tugma, ang huling pantig ng bawat taludtod ay nagtatapos sa isang tunog.
3. Kariktan. Ang kariktan ay kagandahan ng isipan at diwang inilalarawan sa tula. Kasama na rin ditto ang kagandahan ng mga pananalitang pinili ng makata upang iangkop sa isipan o diwang ipinahahayag ng mga taludtod.
4. Talinghaga. Ang talinghaga ay mga pahayag na may mga nakatagong kahulugan o di-tuwirang tinutukoy. Maaaring ang sinasabing “naggagandahang bulaklak sa hardin ang aking daigdig” ay ang magagandang dalaga sa kanyang ginagalawang lipunan.

                 

Soulmate

Wednesday, November 24, 2021





Inggit

Saturday, November 6, 2021


Inggit
Isinulat ni Lawrence R. Gonzales
November 11, 2021

Ang inggit ay parang tinik, 
Kapag tumusok ay masakit
Parang galamay ng pusit
Matindi kung kumapit, 

Inggit layunin mo'y manakit
Wala naman ginagawa ika'y nagagalit
Ayusin mo trabaho, huwag kang makulit
Para dika pagalitan ulit.

Huwag kang magtanim ng galit
Yung ugali mo papangit
Huwag ka ng mainngit
Alisin ang hinanakit.

Huwag kang gumawa ng chismis
Huwag karin mang-inis
Masama yung kwentong madungis
Manira ng pangalang malinis.

Baka magkaroon ka ng sungay
Kapag masamang gawa ay panay
Kaya hindi ka mapalagay
Malayo sa'yo ang tagumpay.

Layunin mo'y mapa-alis
Gusto ng posisyong mabilis
Akala mo naman siya'y malinis
Pag-uugali naman ay galis.

Love Letter

Thursday, November 4, 2021

Love Letter
Ni Lawrence RGonzales
July 25, 2020

Kay tagal naman dumating
Sulat mo lang aking hiling
Mula umaga hanggang dilim
Inaabangan kong ibigay sa akin.

Ano kaya itong pagmamahal
Parang pamasahe kay mahal
Kung ako kaya ay magtanghal
Pansinin kaya ako ng minamahal.

Nasa bintana nakatingin
Kailan kaya darating
Sulat mong paparating
Kartero dumaan ka sa'min.

Ang sulat kong nais iparating
Naglalaman ng aking damdamin
Nasasabik akong sulat mo’y basahin
Nais kong malaman ang tugon mo sa akin.

Napakalayo ng ating pagitan
Ganito ba talaga ang sukatan
Kailangan pa ng barko para puntahan
Eroplano para ika’y masilayan.

Nasasabik na ika'y puntahan
Ikuwento ang pinagdaanan
Sa dami ng aking nilakaran
Dika nawaglit sa isipan.

Yung larawang hawak ko
Nawala sa paningin ko
Sa tagal ng paghihintay ko
Hindi parin pala tayo.

Laging Cellphone Hawak

Saturday, October 16, 2021


Laging Cellphone Hawak
Isinulat ni Lawrence R. Gonzales
October 16, 2021

Ang katamaran ay kakambal ng kagutuman
Lalo na yung mga batang ayaw mautusan
Magtatampo pa yan kapag pinagsabihan
Hahaba ang nguso at padabog-dabog pa'yan.

Sasabihin pang ako nalang lagi inuutusan
Gayung s'ya lang naman kasama sa tahanan
Sasabihin pang dami namang uurungan
Kasi naman kagabi pa yung pinagkainan.

Inabutan na nang tanghalian
Dumami tuloy huhugasan
Naipon tuloy ang urungan
Kasi naman, kagabi kapa inuutusan.

Kakanood ng Korean Drama
Pati linya nakukuha
Kung minsan parang artista
Pati eksena ginagaya.

Kapag nagugutom naghahanap ng pagkain
Kapag luto na kay hirap naman tawagin
Ayaw naman magluto para makakain
Ang gusto lagi nalang ipaghahain.

Lagi nalang sa cellphone nakatingin
Kaya yung oras hindi napapansin
Kahit sa oras ng pagkain
Kasama parin kumakain.

Cellphone ay laging hawak
Hindi mo na matawag
Lagi nalang nakababad
Hindi na nilalapag.

Hindi kaba napapagod
Sumasakit ang mata kakanood
Okey lang ba iyong likod
Nakataas pa ang tuhod.


Captain Barbell

Friday, September 18, 2020

 


Captain Barbell
Isinulat ni Lawrence R. Gonzales
September 18, 2020

Kilala moba si teng-teng?
Yung binatang patpatin
May tinatago siyang lihim
Siya pala si Captain Barbell.

Tingnan mo nga naman
Wala tayong kaalam-alam
Yung inaapi't pinagmamalupitan
Tagapagligtas pala ng taong-bayan.

Kapag siya'y nagpapalit
Yung kilos bumibilis
Laging lumilipad paalis
Hindi makausap kahit saglit.

Kayong masasama dapat mag-ingat 
Huwag kayong pakalat-kalat
Kapag inabutan kayo ng malas
Siguradong tanggal ang inyong angas.

Marami siyang kalaban
Meron ding kapangyarihan
Ginagamit sa kasamaan
maghahasik ng kaguluhan.

Nagpakasal sila ni Lea
Matagal din silang nagsama
Nangarap bumuo ng pamilya
Mamumuhay ng maligaya.

Habang nasa pasyalan
Hindi nila naiwasan
Yung atake ng kalaban
Kasama si lea sa tinamaan.

Itong si teng gustong manakit
Sa sobrang galit at sakit
Namatay si Lea, ang pait
Pati ang kanyang ipinagbubuntis.

Aalis kana bukas?

Monday, September 7, 2020


Aalis kana bukas
Isinulat ni Lawrence R. Gonzales
Created: 8:00pm September 3, 2020 - Last Modified: 10:27pm September 5, 2020

Aalis kana bukas
Wala nakong kausap
Tingin nalang sa ulap
Sa hangin, makikipag-usap.

Puntahan kaya kita!
Yung gamit mo, ako na magdala
Mag-aral din kaya ako sa manila
Para araw-araw makasama kita.

Sa ganitong sitwasyon
Kailangan natin ng theme song
May magandang kanta ngayon
Para sa'kin You are my song.

Unang araw na wala ka
Yung boses mo nasa tenga kopa
Hindi ako makabasa ng letra
Pangalan mo ang nakikita.

Mag-aral kang mabuti
Para sa iyong sarili
Nandito lang nakatabi
Maghihintay hanggang huli.

Tinawag ako ni nanay 
Sa telepono may naghihintay
Magandang boses na malumanay
Kay tagal ko itong hinintay.

Pusong Nalilito


Pusong Nalilito
Isinulat ni. Lawrence R. Gonzales
Created 6:30pm - Last Modified 6:48pm
Saturday, September 5, 2020

Kung minsan ang puso nalilito
Pero yung damdamin hindi nagbabago
Naalala ko nung tayo
Yung araw ko hindi kumpleto.

Humanga ako sa iba
Nabighani sa talino at ganda
Magkasundo kami nung una
Pero ngayon wala na.

Paano ko ba sasabihin
Nang saktan ko ang iyong damdamin
Naisip kong ikaw parin
Nilalaman nitong damdamin.

Paano kaya mag-uumpisa
Kahit magsalita hindi ko kaya
Ngayong kaharap kana
Nanlalamig at kumakaba.

Kung ika'y magalit tatanggapin ko
Kung ako'y pahirapan gagawin ko
At kung ako'y saktan titiisin ko
Maitama ko lang yung pagkakamali ko.

Bibigyan ka ng bulaklak na paborito mo
Hahanapin ko ang pagkain na gusto
Gagawin ko anuman ipag-utos mo
Magkasundo lang muli tayo.

Kapag Puso'y Nasaktan


Kapag Puso'y Nasaktan
Isinulat ni. Lawrence R. Gonzales
Created: August 9, 2020
Last modified: 7:08pm September 5, 2020

Kapag puso'y nasaktan
Masakit talaga sa pakiramdam
Pero ang kagandahan
Mayroon kang natutunan. 

Mayroon parin sa'yong magmamahal
Maghintay ka lang baka nariyan
Baka lihim kang pinagmamasdan
Pagkat tunay yung pagmamahal.

Ang puso mo ngayon 
Ay tulad ng kahon
Wala siyang laman ngayon
Pero mapupuno sa tamang panahon.

Darating din yung pagkakataon
Malay mo baka ngayon
Si right person na tanong
Kaibigan mo pala noon.

Hindi mo na kailangang mag-alala
Dahil matagal mo na siyang kilala
Na miss ka daw nya ng sobra
Yung ngiti hanggang tenga.

Followers

 

Search This Blog

Tagalog Poems

Ads 200x200

Ads 200x200